柏斯波利斯生死战Ｗ得

米高卢特立教唔掂艾雷恩 今轮亚冠盃分组赛由西亚战区率先登场，D组伊朗劲旅柏斯波利斯主场对卡塔尔球队艾雷恩，最值得留意。第3位柏军仅落后榜首艾雷恩2分，只要今仗赢波，就有机会做一哥，战意肯定高昂。艾雷恩由米高卢特立执教，星味佔优，弊在呢位丹麦名宿踢波叻，教波就真係麻麻，宁愿博柏斯波利斯主胜。 （Now Fox Sports Play周一晚10时30分直播） 由于每组只有头两队可以出线，经过一半赛程后，D组两个出线席位成为艾雷恩、希拉尔、柏斯波利斯之争。艾雷恩状态麻麻，近6场比赛只有2胜1和3负，作客更加两连败。球队最有名气嘅一定係主帅米高卢特立，但呢位52岁前丹麦国脚过往教波成绩好曳，执教基达菲、莫斯科斯巴达、马略卡、史云斯、利卡维那，往往都係一季货仔就执包袱。佢上年10月接手教艾雷恩，表现只属一般，排卡塔尔联赛第3位，早已无缘争冠，下台压力愈来愈大，恐怕又会成为过渡人物。 柏军强势主场8连胜 至于排第3位嘅柏斯波利斯形势比较输蚀，今场赢波就有机会榜首，但和波或输波，将陷入出局边缘，可以话係一念天堂、一念地狱，对柏军而言，绝对係生死战。幸好呢支伊朗球队有地利支持，佢哋近8场主场全胜，食住呢股强势Ｗ得。