C组榜首曼城于主场迎战乌克兰代表萨克达。曼城和波就可以出线，但萨克达仲有机会争次名，眼见曼城伤兵满营，虽然往绩输蚀，但当然亦会放手一博，加上萨克达近5场欧联作客4次开4球或以上，今场捧中位数3.5球大係最佳选择。
（Now 644、有线661及601台周三凌晨4时直播）
曼城上场作客虽被阿特兰大逼和1比1，但现时仍以5分领先萨克达及萨格勒布戴拿模，今场保持不败便可笃定跻身16强。不过，球队伤兵严重，除咗之前讲咗好耐嘅中坚荒，上周对车路士再添伤兵，阿古路、大衞施华同洛迪卡斯简迪伤出，阵容唔完整，幸佢哋对萨克达有把握，近3次欧联对赛全部赢3球或以上，人脚未必得，但心态上可以弥补。
萨克达欧联作客频入波
萨克达目前仅以较佳对赛成绩压过同分的萨格勒布戴拿模排次席，想出线当然要抢分，虽然佢哋近年流失不少主力，无复昔日奇兵本色，但明知曼城唔够脚，亦唔会介意放手一博。事实上曼城今届已经唔係以往咁无敌，萨克达近5次交手亦赢过1次，唔试过又点知得唔得呢？要赢曼城梗係有相当困难，但入波机会总会有，萨克达近5场欧联作客4次开4球或以上，有4场可以入2球，今场不妨一试3.5球入球大。
