今晚英超尾场，「海鸥」白礼顿主场火併狼队。白礼顿啱啱先捱过魔鬼赛期仲未回到气，但狼队作客战绩亦唔标青，加上近年碰头坚旺少交收，捧2.5球嘅入球细最稳阵。
（Now 621周一凌晨零时30分直播）
白礼顿近期恶战连场，经过连输畀曼联、李斯特城及利物浦等硬嘢后，上周中快车以2比1击败阿仙奴，总算捱过魔鬼赛期，综合4场嘅表现确实唔差，不过耗力不小，未有咁快回到气。阵中首席射手马奥比虽于对阿仙奴攻入奠胜士哥，但呢个係佢近5仗以来嘅首个入波，状态麻麻。
近9次碰头全开细盘
季初一度头6场联赛不胜嘅狼队，表现渐入佳境，各项赛事近7仗取得4胜3和未输过，不过要留意，佢哋客场演出只属一般，近5场作客仅得1胜，不宜高估。何况主帅纽奴擅打稳守突击，呢招对强队大派用场，但面对打同一家波嘅球队，通常会老鼠拉龟冇碇埋手。翻查纪录，两军近9次碰头，合共只製造11个入波，「总入球」全开2球或以下，可以预期今仗会係闷战格局，唔慌多波入，宁捧2.5球嘅细盘。
