今日亚冠盃分组赛有两场赛事，推介两支日职球队，先讲Ｈ组横滨水手迎战澳职ＦＣ悉尼。水手相隔多年再战亚冠盃，表现完全唔怯场，首轮作客韩职班霸全北汽车全力抢攻，如果唔係有2球入波被判诈胡，点只赢2比1咁少。悉尼喺澳职近12场11胜1和，但佢哋近4次亚冠盃作客日职球队，只得1和3负，推介横滨水手上盘。
（Now 671、有线652及612台周三晚6时30分直播）
胜利船让得起蓝翼
同时间上演嘅仲有Ｇ组神户胜利船作客韩职水原蓝翼，胜利船今季虽然冇咗韦拿同普多斯基，好多球迷都以为佢哋攻力即刻死火，好在巴西新兵戴恩费斯杜格拉斯已经融入球队交到货，加上土炮小川庆治朗亦有料到，首轮分组赛斗柔佛ＤＴ夹手夹脚攻入4球，协助胜利船大胜5比1。相反今场係蓝翼新球季首场赛事，球队状态成疑，胜利船作客小让平半，上盘抵玩。
（Now 670、有线651及611台周三晚6时30分直播）
