對於開季至今8輪葡超僅得1勝嘅艾維斯嚟講，為避免過早陷入降班泥潭嘅佢哋當然希望能夠盡快重返正軌。不過好可惜，艾維斯主場擁躉嘅歡聲笑語恐怕仲要過多排先聽得到。皆因佢哋嚟緊下禮拜一凌晨將會迎戰成肚火嘅豪門賓菲加，主隊艾維斯確實危危乎。
由於過去3輪聯賽僅錄得勝和負各1場嘅平庸戰績，導致賓菲加如今落後榜首波圖已達5分，若想完成衛冕大業，前者如今實在不容有失。幸好賓菲加今仗終於迎嚟贏波良機，皆因對手艾維斯今季升上葡超之後，明顯唔適應葡超賽場嘅強度，故8輪聯賽過後僅手握6分嘅佢哋如今已經徘徊喺榜尾。而且與賓菲加有O.莊拿斯呢位幾乎輪輪有波入嘅穩定射手相比，艾維斯如今更多只能依靠「打遊擊戰」搵食，可擔重任之人少之又少，今鋪確實凍過水。
雖然今仗賽事勝負懸念不大，但賓菲加近期盤路表現卻實在令人失望，是役實在不得不防贏波輸盤嘅陷阱。不過如果話想串返條過關飛嘅話，賓菲加WIN則勢必會係鐵膽好選擇。
