诺威慕逊加柏细均力敌
直播戏码系排联赛榜第7位嘅汉诺威主场对第10位嘅慕逊加柏，客军慕逊加柏平均实力虽稍佔优，但近期伤兵满营，前线全面哑火，今晚遇上汉诺威绝对有得揪，赛前推介有1.98倍嘅中位数2.5球细盘。
汉诺威排名较前又有主场之利，而且歇冬后6轮联赛3胜2和1负表面睇相当唔错，不过当中4场系对联赛榜排名最后5名嘅球队，比赛水准唔高，何况汉诺威连仗遇弱都攞唔到绝对优势，目前嘅状态相当一般，佢的一向擅长踢稳守突击，主场想主动出击抢攻并非所长。
慕逊加柏系欧洲赛常客，可惜近期饱受伤兵问题困扰，当中前线主力拉菲尔基达奴缺阵打击最大，搞到近期联赛4连败之馀仲1球都入唔到，上轮主场仅负于多蒙特虽然表现拼搏，但前线始终搵唔到入波，仲有翼卫赞迪斯基加入伤兵行列，令佢的嘅伤兵人数增至8人，目前球队兵源短缺，预期作客唔敢过份急攻。
史甸度倒戈为世盃奋战
今仗对慕逊加柏队长史甸度嚟讲意义重大，皆因呢位现年29岁嘅全能攻击手，过去曾长时间担任汉诺威队长，今场倒戈遇旧主百般滋味在心头，虽然佢上季状态大勇，为德国国家队上阵亦表现出色，但自去年12月起，至今连续10轮联赛担正都毫无建树，令佢入选今夏德国世盃决赛周大军嘅资格响起警号，呢个时间当然唔到佢唔搏命，究竟佢可唔可以及时走出低谷？大家今晚一于睇实佢啦！
