C朗专爆爱斯宾奴
西甲周中开快车，周三凌晨爱斯宾奴将会主场挑战皇家马德里。皇马一班进攻好手近排交足功课火力全开，尤其头号球星C朗入波停不了，成为球队连场大捷嘅主要动力，更令「银河舰队」近6仗全开4球或以上，今场面对主场表现飘忽兼实力差几班嘅爱斯宾奴，一发不可收拾嘅皇马绝对有力再数胡，中位数3.5球入球大点可以错过？
沉睡左大半季嘅皇马，近期终于有苏醒迹象，联赛取得4连胜，有番西甲劲旅应有嘅霸气之馀，仲喺欧联16强首回合3比1击败强敌PSG，抢得关键先机。踢得咁顺真系要多得一班弗爆攻击手，其中「BBC」组合加里夫巴利、宾施马及C朗上仗齐齐有波入，帮球队4比0炒起艾拉维斯，默契同状态返晒嚟，尤其C朗近4仗都有波入，喺联赛射手榜已经攀升到第4位，呢位求胜心极重嘅葡萄牙前锋同宿敌美斯斗足咁多年，今季就算发力稍迟都肯定唔会轻易认输。
皇马攻击手着晒火
况且C朗近年每逢对爱斯宾奴脚风都特别顺，近3仗作客个人就数够8球，今场再遇「私房菜」又点会同佢客气？加上卢卡斯华斯基斯同马高阿辛斯奥等皇马副选近排都屡建奇功，球队进攻板斧咁多，爱斯宾奴想唛实都唔系咁易。
爱斯宾奴已经近6仗联赛未赢过，虽然佢的近4仗全部和波，不过球队近年遇上皇马都冇乜好结果，近3次主场都畀「银河舰队」反客为主击败失左12球之馀，仲有两场开4球或以上，可以话全无还击之力，今场面对回勇嘅皇马，爱斯宾奴难逃大败嘅命运，捧中位数3.5球入球大最稳阵。
