3叉戟横行霸道
英超今晚有入球Show上演！近期状态弗到漏嘅利物浦，于晏菲路恭候纽卡素，「红军」有「埃及美斯」穆罕默德沙拿领军，佢近9场波入10球，绝对系入球保证；纽卡素要为护级搏命，倒戈主帅宾尼迪斯更加唔想喺晏菲路球场食蛋咁失威，中位数3.5球入球大有2.1倍极为好路！
利物浦近期火力全开，沙拿喺英超入左23个士哥，只差射手榜首位哈利卡尼1球，当然会尽力把握每个入球机会抢金靴奖。除左「埃及美斯」外，上半季脚风麻麻嘅沙迪奥文尼亦「返晒嚟」，近2仗入4球，加上近6仗入5球嘅罗拔图法明奴，「红军3叉戟」可以话令英超对手闻风丧胆。
宾帅倒戈最想入到波
利物浦入波能力唔使怀疑，不过防守亦唔多掂，近6仗主场赛事全部有失球，好似赢曼城4比3就系靠前线打救，足总盃更试过2比3输畀西布朗而出局，既然利物浦近4仗主场总入球都至少有4球，今仗大盘梗系信心十足。
纽卡素身处降班漩涡，只比「尾3」嘅史云斯多2分，虽然近4仗联赛获1胜3和不败佳绩，不过佢的造访「Big 6」防守曳到爆，今季两次作客车路士，及作客曼市双雄嗰4场波，每仗都失3球或以上，面对顶级攻击线明显无计可施，唯一庆幸系主力射手杜韦加尔岩岩打破13场波入球荒，领队宾尼迪斯重返晏菲路，亦唔想失威起码要入到波唔好食蛋，今仗大骚可期。
