近期多灾多难嘅阿仙奴今晚英超早场作客白礼顿，将会系反弹好时机！阿仙奴作为英超「Big 6」，今季作客只得3胜4和7负，梗系唔收货，好在白礼顿今季7次喺联赛对「Big 6」全部输晒，未踢先脚软，「兵工厂」可凭较佳个人质素取胜，1.75倍客胜属信心推介。
阿仙奴喺英联盃决赛输畀曼城同奖盃擦身而过，欧霸16强又要硬撼意甲豪门AC米兰，想攞冠军冇咁易，因此联赛虽然大落后都唔可以放弃住。「兵工厂」近4仗英超作客未赢过，但球队今季首循环面对3支升班球队，包括白礼顿、纽卡素同哈特斯菲尔德全胜之馀，仲射入8球0失波，可见佢的对住「新丁」特别有计。
白礼顿「欺善怕恶」
白礼顿风格「欺善怕恶」，今季7次赢波，除屈福特外，其馀6仗对手现时联赛排名都低过自己，面对「Big 6」全败之馀劲失18球，所以就算阿仙奴近况再差，今晚依然有力撕破白礼顿防线，相信可以摆脱颓势全取3分。
