周六晚东网继续献直播，当然唔少得女神Renne、走地专家乐比同Jason拍档嘅《我爱酒地波》，同大家一齐欣赏德甲贺芬咸主场对禾夫斯堡啦！大家记得准时上东网睇好波、收好料啦！
直播戏码贺芬咸迎战禾夫斯堡，贺芬咸经过早前伤兵潮表现反覆后，人脚已经回复原整，上轮作客击溃奥格斯堡，整体演出已尽复旧观，前线有来自班霸拜仁借将，优质德国希望前锋基拿比挂帅，配合高大前锋施沙拉尔同近期脚风极顺嘅卡拉马历攻坚，火力有保证。贺芬咸仲有机会争取下届欧洲赛入场券，少帅拿高斯文要求仲高，佢话除左想踢欧洲赛，最重要系踢出悦目足球凼主场球迷，今晚势必抢攻，有力击退状态低沉同一味主守嘅禾夫斯堡，贺芬咸让半一唔算多，黑柴捧上盘。
贺芬咸进攻足球轰禾堡
禾夫斯堡近期换帅，拣左有15年执教经验但缺乏成绩嘅拉巴迪亚带队，会方话明拣佢系因为佢带队护级经验丰富，但佢上任后球队两战未开斋只得1分，依家同缅恩斯同分排尾三、四，护级压力甚大，不过拉巴迪亚一如过往，只系加强防守并未能为球队喺战术上带嚟改进，上轮主场不敌利华，赛后佢话对手踢得较好，值得攞晒3分，今仗赛前亦只话希望球员能够团结共度难关，好明显能力有限，佢的虽然都有利物浦借嚟嘅优质比利时前锋奥历治，但基于战术佢喺前线只能孤军作战，唔容易畀到威胁主队。
