巴西圣保罗省联赛打到8强阶段，周四早上将会上演两场次回合比赛，其中巴甲劲旅彭美拉斯返主场再斗非联赛球队路禾利桑天奴。彭美拉斯首回合作客都赢3比0，实力明显高几班；路禾利桑天奴为收复失地亦冇得再死守，既然两军过去3次碰头总入球皆至少有3球，捧2.5球大盘最好路。
彭美拉斯首回合凭进攻铁三角杜度、韦利安高美斯及基奴各建一功，作客以3比0轻取路禾利桑天奴，虽然手揸3球优势，不过彭美拉斯系今届巴省联分组赛入波最多嘅球队，12场比赛轰入19球，踢法擅攻不擅守，嚟到淘汰赛相信唔会贸贸然改变踢法。路禾利桑天奴已经冇野再输，相信亦唔会刻意死守，睇番路禾利桑天奴今届巴省联6场作客只有1场冇入波，其馀5场加埋入9球，唔排除可以喺彭美拉斯身上取得入波。翻查两军过去3次于巴省联碰头全部至少有3球交收，今场捧2.5球嘅入球大最稳阵。
山度士入球细Encore
另一支巴甲传统劲旅山度士就喺主场迎战丙组仔保地花高SP。山度士首回合作客打和0比0，今场只要赢波便可笃定晋级，不过佢的近期因要兼顾自由盃，对上3场巴省联都赢唔到波，球员明显开始有疲态。保地花高SP虽然级数低两班，但对上8场巴省联只系输过1场，当中有5场保持清白之身，8场总入球都唔超过两球，今场捧细盘岩数。
