澳职常规赛转入最后直路，榜首FC悉尼昨日凭麦西蒙补时阶段入波，作客2比1险胜中岸水手，现以8分领先次席嘅纽卡素喷射机，最快嚟紧礼拜四便可提前宣布卫冕成功。冠军之争基本上大局已定，不过季后赛资格仍然争崩头，2支仲有机会争入前6名嘅球队布里斯班狮吼及珀斯光辉今日分途出击，呢个时候拣波战意为上，狮吼上盘同光辉大盘都捧得过。
先讲今日头场布里斯班狮吼作客威灵顿凤凰。狮吼作客3连胜，包括上仗以2比1爆冷击败FC悉尼，依家只系落后第6位嘅西悉尼流浪者2分，今场赢波便可爬头升上第6位，以狮吼近期走势呢3分志在必得。凤凰23战得17分排包尾，肯定无缘季后赛，近7场输6场明显散晒，狮吼小让平半，上盘捧得过。
光辉胜利「大」激斗
尾场珀斯光辉主场迎战墨尔本胜利。光辉依家排第8，想踢季后赛数字上仲未绝望，佢的对上3场主场联赛全部赢晒，状态、战意都有保证，不过佢的防线唔算稳阵，今季23场常规赛只有2场冇失波，系得包尾嘅凤凰失波比佢的多。胜利近期表现回勇，连同亚冠盃在内，近5场联赛4胜1和，除左射手贝利沙上场对中岸水手连中三元，利莱佐治亦连续3场联赛有士哥，作客光辉预计唔会少入波，一于进取啲拣3/3.5球嘅入球大。
