阿根廷将喺中立场英国曼彻斯特出战意大利。阿根廷外围赛几经辛苦至惊险出线，见过鬼一定怕黑，备战态度必然更认真。意大利冇得踢决赛周，陪太子读书唔慌搏命，看守领队迪比亚治奥只属临时工，球队又处于重建期，招架唔住星光熠熠嘅阿根廷，捧1.82倍主胜！
阿根廷喺外围赛要踢到最后1轮先取得决赛周入场券，领队森柏奥利勉强保住帅位，但仍备受压力。若然阿根廷今届成绩欠佳，森柏奥利好大机会乌纱不保。阿根廷今仗精锐尽出，美斯、阿古路、希古恩及迪马利亚等统统入围，畀森帅演练阵式，况且热身赛踢得好亦有助提升信心同士气，相信阿根廷唔会Hea踢。
近两次对赛意大利输晒
意大利喺外围赛附加赛畀瑞典淘汰，前领队云杜拿下台，安察洛堤等名帅又拒绝接手呢个烫手山芋，皆因佢的知意国足球千疮百孔有排执，最终焗住搵U21国家队主帅迪比亚治奥做看守领队。佢今次沿用云杜拿时期嘅班底，连之前话退出国家队嘅保方都反口出山。意大利新瓶旧酒难有进步，近两次同阿根廷踢热身赛都输波而回，实难睇好。
