巴省联听朝上演最后1场8强次回合赛事，由劲旅哥连泰斯主场再斗巴拉干天奴。哥连泰斯首回合作客倒灶输2比3，由于赛制唔计算作客入球优惠，今场哥连泰斯喺主场只要赢对手两球或以上，就可以晋级，目标明确。以哥连泰斯超班嘅实力，只要踢番正常水准，唔难完成任务，哥连泰斯让1/1.5球，1.8倍上盘照跟！
近3次主场出击赢晒
哥连泰斯近况其实唔曳，尤其近3次主场出击赢晒，兼夹全部零封对手，反映佢的主场做到「攻守兼备」，今场对手巴拉干天奴始终实力有限，作客好难再偷到鸡。其实哥连泰斯首回合有轻敌之嫌，并未派出强阵应战，今匀返主场梗系要同球迷交代，冇得再Hea踢，始终对手只属丙组球队，未能晋级真系好肉酸。睇赔率今场主Ｗ冇肉食，让球盘让1/1.5球，上盘相对好分头值得捧场。
