霸气C朗一个玩晒
周二凌晨国际赛焦点战，葡萄牙将会同荷兰喺瑞士日内瓦中立场，上演06世界盃16强翻版大战。葡萄牙头号球星C朗拿度近期入波停唔到，有返晒以往以一己之力取胜嘅盖世霸气，呢仗面对上场对阵英格兰时表现疲弱嘅荷兰，葡萄牙赢面肯定高得多，主胜走唔甩。
2016年欧国盃盟主葡萄牙为备战嚟紧嘅世盃，上仗就揾嚟埃及切磋，结果喺落后劣势下，靠前锋C朗以一人之力喺补时力挽狂澜入2粒反胜。呢位皇家马德里前锋今季开咧其实唔算顺利，不过踏入2018年就开始全面爆发，各项赛事近9次上阵狂入19球，每场平均入2.1球，效率惊人，睇嚟已经为出战世界盃热好晒身，而且佢过往4次代表葡萄牙出战荷兰，都入到4球，今次再遇私家菜，C朗点会同你客气呢？
荷兰锋力弱 复兴路坎坷
近年频频无缘大赛嘅荷兰，世界排名已经跌出20名之外，纵使近期有国家队名宿朗奴高文成为球队揸弗人，不过佢岩岩上任仲需要时间同班波夹熟，而且荷兰班底积弱已久，表现依然难有保证，上仗喺主场球迷呐喊助威下，依然不敌英格兰，尤其由前锋巴斯杜斯带领嘅进攻组合质素明显欠奉，搞到呢位前爱华顿主帅出师不利，睇嚟橙衣军团嘅复兴之路依然坎坷，呢场面对有C朗坐镇嘅葡萄牙难有作为，捧主胜。
