周日凌晨英超大战，爱华顿将会主场挑战曼城。「蓝月亮」曼城喺联赛积分榜抛离追兵曼联成16分，可以话已经手握半隻冠军奖盃盃耳，因此战意难免会鬆懈，加上球队即将喺欧联8强硬撼利物浦，今场未必会尽全力；相反爱华顿近年对亲曼城都特别有火，睇好佢的再有佳作，爱华顿下盘捧得过。
曼城领队哥迪奥拿执教首季一个奖盃都攞唔到，多少令人失望，不过「蓝月亮」上下都对哥帅有足够信心，深信呢位曾带领巴塞隆拿创造辉煌战绩嘅西班牙教头，嚟到曼城依然可以缔造历史，结果已经捧起联赛盃嘅「蓝月亮」冇令球迷失望，而且佢的一发不可收拾，联赛赢足成条街成为夺标大热之外，仲有机会染指欧联宝座。不过再出色嘅球队都有失手嘅时刻，今季「蓝月亮」就曾多次因轻敌畀对手偷到鸡，包括英足盃爆冷畀韦根淘汰，以及联赛畀水晶宫等弱旅逼和，可见强如曼城都唔系百战百胜。
拖肥近4对赛未输过
尤其「蓝月亮」今季对亲嚟自默西塞德郡嘅对手都经常冇啖好食，除左畀利物浦打破联赛不败金身之外，季初主场亦曾经畀爱华顿逼和。睇番近期对赛往绩，「拖肥」近4次面对曼城取得1胜3和不败战绩，可见爱华顿对付曼城系特别有计，今场面对有主力前锋阿古路受伤上阵成疑，兼要留力欧联嘅曼城，喺联赛连赢两场嘅爱华顿有能力再喺英超巨人身上攞到着数，「拖肥」受让球半／两球，一于捧下盘。
