后防飘忽易失守
今晚西甲快车皇家马德里主场面对毕尔包，「银河舰队」今季状态劲飘忽，面对实力一般嘅对手都经常失守，好彩王牌C朗拿度近期着晒火，而且近年主场对亲毕尔包入波都唔少，今仗有望再演入球骚，中位数3.5球嘅1.74倍大盘值博。
皇马卫冕联赛可以话无望，主因系防线演出时好时坏，好似早前主场对住中游分子基罗纳，皇马都要失够3粒，全赖C朗挺身而出个人「大四喜」，先有惊无险擸晒3分，呢位葡萄牙天王上场对马拉加冇出抖到够，可全力为球队争取士哥。
毕尔包到访巴拿贝常大败
毕尔包今季要兼顾欧霸成绩跌Watt，搞到依家仲喺联赛下半版位置，早前欧战16强畀马赛淘汰后，「巴斯克雄狮」终于可专心番联赛争取较佳位置，中场蒙尼恩长抖后复出有货交，可以进一步加强球队进攻能力。不过佢的近年到访巴拿贝都冇好下场，近9次作客面对皇马输晒之馀，仲经常畀「银河舰队」大炒，其中8次就开4球或以上，曾经爆出4比2及5比0等大波胆，今仗毕尔包就鸡入到波，都难抵挡得住皇马强劲炮火，大盘调到3.5球都照撑可也。
