今晚英超早场利物浦作客对榜尾西布朗，论实力同状态「红军」赢成条街，不过佢的要专注嚟紧对罗马嘅欧联4强大战，前线「埃及文明」随时先列后备，就算大红人穆罕默德沙拿压阵，入球能力点都打折扣；西布朗上轮爆冷赢曼联，球员信心提升，就算护级机会渺茫都会搏埋佢，中位数2.5球嘅2倍细盘属最佳选择。
利物浦今季联赛劲入78球，其中55球嚟自穆罕默德沙拿、罗拔图法明奴同沙迪奥文尼呢个组合，但考虑到下周三凌晨要喺欧联4强首回合迎战罗马，领队高普相信会留力。睇番早排欧联8强次回合对曼城前嘅联赛，利物浦就派出苏兰基同丹尼艾格斯呢啲二线前锋挂帅，结果只能闷和0比0爱华顿。
西布朗信心提升走多步
西布朗现时位列榜尾，护级成功机会已相当渺茫，不过上仗爆冷作客1比0赢曼联，唔多唔少会打起球员信心，每人都会走多步，主场出击亦唔会任人鱼肉。翻查西布朗过去4次联赛主场对利物浦，总入球全部开2球或以下，有力抗衡「冇牙老虎」利物浦，细盘值捧。
