罗马留力欧联
今日有近百场波玩，难免花多眼乱，阿King特登拣几场好野益大家，最有心水系意甲头场史帕尔主场对罗马。罗马下周中要喺欧联硬撼利物浦，话唔留力你都唔信喇，睇怕让唔起近8场未输过、急于护级抢分嘅史帕尔，让球主胜咪错过。
虽然罗马联赛前4未稳阵，但嚟紧周中欧联4强首回合作客利物浦，睇番佢的喺8强反胜巴塞嘅势头，就知呢支首都球队几咁重视欧联，有传射手迪斯高、刚伤愈嘅中场尼恩高兰今场唔会踢足，甚至有机会被收起添，留力之说并非空穴来风。另一边厢，史帕尔依家排尾4，只系比尾3嘅克罗托内多1分，为抢分护级战意必坚，唔好睇佢的位列下游，近8仗联赛取得2胜6和不败佳绩，包括近6仗全和只失3球，防守硬淨，面对有后顾之忧嘅罗马仲有得受让咁笋，一于捧让球主胜。
切尔达行运宾菲加镬气够
至于西甲方面，切尔达主场对华伦西亚，「4哥」华伦唔单止联赛2连败，今仗仲有后卫荷西加耶同中场兼队长柏利祖坐波监，实力打折扣，让唔起刚战逼和巴塞嘅切尔达。最后葡超「2哥」宾菲加作客艾斯杜尼，宾菲加上仗榜首大战输畀波图坚伤，依家落后2分，为争冠军今仗不容再失，艾斯杜尼只属下游分子， 难挡决心十足嘅宾菲加，就算宾菲加让1/1.5球照捧上盘。
