周四有8场盃赛开盘，等阿King教大家点玩！欧霸4强首回合，周五凌晨法甲马赛主场迎战奥地利球会萨尔斯堡，两队8强都靠主场绝地反击逆转胜过关，尤其马赛今届欧霸主场够恶，有一班弗到爆嘅进攻手坐镇，马赛主场有力先拔头筹，主胜可作为过关首选。
马赛上轮8强面对德甲劲旅ＲＢ莱比锡，喺首回合作客输0比1劣势下，次回合回师主场火力全开，最终赢5比2，总比数5比3淘汰对手晋级，可见马赛呢班波主场威力有几劲，加上攻击好手泰奥云已连续2仗主场有波入，搭住能传擅射嘅10号仔皮耶，马赛喺主场有力旗开得胜。
串高士路细华斯高半和
再推介2场自由盃，开咧表现令人失望嘅巴甲老牌球会高士路，近3仗1球不入死晒火，而近2场自由盃都同对手互交白卷，今轮主场面对攻力一般嘅智利大学，中位数2.5球入球细好路。另外，作客挑战巴甲华斯高嘅阿根廷球队竞赛会，自由盃作客锺意睇定嚟踢，近10仗9次半场同对手打和，半场和值得追捧。
