今季意甲成为欧洲5大联赛争标形势最激烈嘅战场，榜首祖云达斯连续2场失分，仅领先次席拿玻里1分，更唔好彩今仗又要作客硬撼国际米兰。祖记近3次作客斗国米，仅得1和2负，加上状态走下坡，防线又多伤兵，更加让唔起对手，捧受让平半嘅国际米兰下盘。
祖记「黑色4月」陷困局
祖云达斯跌入「黑色4月」，先系欧联出局，其后联赛又连番失利，最离谱系被克罗托内逼和，上仗仲输埋畀拿玻里，难免洩气。事实上，祖记攻守都出现问题，前锋希古恩陷入入球荒，近5次联赛上阵都食白果，拍档保罗戴巴拿近3场亦冇波入。防线上则有中坚基亚连尼、右闸迪施基利奥受伤，最大镬系盛传教练阿里基好可能今季结束后离队，为球队平添不明朗因素，势必打击士气，更难打破近年作客国米，处于下风嘅困局。
国际米兰仅落后第4位拉素1分，仲有机会打入前4位，参加下届欧联。球队众志成城，连赢2场，莫路伊卡迪、比列锡仲一齐有波入，两人今季已轰入37球。值得一提，国米上季主场就系凭莫路伊卡迪、比列锡入波，反胜祖记2比1，祖记防线今场人脚不整，莫、比两人随时有更多搵食机会。加上国际米兰近8场主场不败，受让下盘相当值博。
