欢送恩尼斯达 和波即封王
周一凌晨西甲尾场，拉科鲁尼亚将会主场挑战巴塞隆拿。今季打遍西甲无敌手嘅巴塞，呢场攞1分即可提早封王，今仗肯定进取，佢的近年对亲拉科都有大把入波睇，今场再遇为护级背水一战嘅拉科，中位数3.5球大盘捧得过。
巴塞早前成功卫冕西班牙盃，虽然值得庆贺，不过依然难掩欧联再次遭淘汰的悲痛，加上老将恩尼斯达岩岩含泪宣佈季尾离队，为送别呢位功勋队长，巴塞肯定会全力争取联赛封王。查实若然较早时间开波嘅马德里体育会失分，巴塞赛前就已经可以提前锁定联赛冠军，不过为达成以不败姿态夺冠嘅壮举，相信呢场巴塞都依然会尽力抢攻。
尾3拉科救亡要焗攻
另一边厢，排尾3嘅拉科想抢分要问过1哥巴塞，恶战当前，球会都依然不忘先礼后兵，拉科官方就讲到明赛前会为巴塞列队鼓掌，祝贺佢的早前捧得西班牙盃。不过为逃离降班区呢场拉科冇得唔赢，所以今仗就算冒住后防空虚嘅代价，都肯定会压上进攻放手一搏，球队近7次面对巴塞就有6次开4球或以上，呢场对攻战预期又系入球骚。
