主队唔识守客军焗住攻
周三凌晨欧联4强次回合大战，皇家马德里将会返到主场再斗拜仁慕尼黑。皇马虽然首回合以2比1先拔头筹，不过佢的今季后防出晒名多甩漏，呢场宁愿以攻代守入多几粒好过，加上落后嘅拜仁肯定抢攻，呢场肯定又有入球骚睇，中位数3.5球入球大咪走鸡。
首回合输波嘅拜仁，由于畀皇马抢到2个作客入球，呢场起码要入2粒先有机会晋级，除此之外佢的仲有洛宾同谢路美保定两位大将喺首回合激战中，因伤退下火线，次回合肯定齐齐缺阵。虽然处于劣势，不过德国班霸绝对唔系冇得追，尤其睇番首回合，就算主力攻击手洛宾早早伤出，其实拜仁都有能力创造出唔少入球机会，只系差临门一脚，可见班波底蕴雄厚，呢场抢缰绝对有能力威胁皇马后防，加上老帅轩历基斯近两次执教拜仁出战欧联，都成功带领球队杀入决赛，有佢教路拜仁肯定有得追。
巴拿贝近3欧联最少4粒
今季表现飘忽嘅皇马，已经多次出现短路嘅情况，好似欧联8强面对祖云达斯嗰阵，就喺次回合畀对手以3比1击败，差啲断送首回合嘅3比0大好领先局面，晋级过程够晒惊险。而且后防主力丹尼尔卡华积首回合整亲，呢场肯定唔使预佢，进一步削弱防线实力。所以为争入决赛，皇马都唔会靠守，肯定会强攻拜仁，争取拉开领先优势。银河舰队近3仗欧联喺巴拿贝主场就全开4球或以上，睇怕呢场对攻战肯定走唔甩，中位数3.5球大盘值博。
