易帅后全面回勇
周六凌晨西甲独脚戏，西维尔将会主场迎战皇家苏斯达。西维尔近期走势一落千丈，连主
帅蒙迪拿都炒埋，球会内部立立乱，班波表现点会好。相反「皇苏」上仗换帅后状态明显有起色，信得过，让球客胜值博。
表现飘忽嘅西维尔，欧联同西班牙盃两头唔到岸全部出局，而且自3月起已经7场联赛未赢过波，搞到球队跌到落联赛第8位，来季欧战入场券冻过水，结果主帅蒙迪拿继季初畀罗马叮走之后，去到西甲再畀西维尔炒多获，认真羞家。加上球会内部动荡嘅问题依然阴魂不散，早前连总监都被辞退，呢次就算揾嚟老帅卡柏路斯接手，一时三刻未必可以摆脱颓势。
恩马奴尔领军有料到
另一边厢，皇家苏斯达新帅恩马奴尔上任后，球队近6仗联赛取4胜1和1负战绩回勇，包括以3比0大破马德里体育会，期间只系失过3球咁大把，一改后防甩漏嘅情况，上轮「巴斯克打吡」斗毕尔包仲精彩，凭对手嘅基米圣荷西2次「送大礼」，以3比1赢波，连运气到有埋，呢场绝对有力喺客场同走势下滑嘅西维尔周旋，让球客胜唔好错过。
