英超大结局前4之争最瞩目
唔经唔觉英超又嚟到煞科，今晚10点会同时间进行10场赛事，最瞩目相信系英超前4之争，第5位嘅车路士作客纽卡素，若赢波仲有价讲，但观乎车仔上周中「自杀式」大轮换炒「车」收场，睇嚟领队干地已有心理准备走人，今晚作客凶地圣占士公园让半一，乐比支持下盘。
尾3史云斯护级要靠奇迹
比起往年，今季英超煞科日可谓较为平淡，因为形势早已呼之欲出，曼城提早封王兼打破英超得分及入球纪录，最后一仗作客修咸顿可谓半例行公事，因为尾4嘅修咸顿领先尾3嘅史云斯3分兼有9个得失球差优势，除非史云斯今晚戏剧性大胜而修咸顿又大败，否则史云斯就要陪埋史笃城、西布朗齐齐降落英冠，喺呢个情况下修咸顿必排出铁桶阵，细盘系唔错选择。
今晚唯一较有悬念系前4之争，第4嘅利物浦领先车仔两分兼有巨大得失球差优势，今晚只要主场和到白礼顿就水到渠成，车仔季尾本来状态回勇，上周击败利物浦1比0，打出4连胜气势，但周中对哈特斯菲尔德竟然收起6名正选，包括状态大勇嘅基奥特同绝对主力夏萨特，此举令大部分人摸不着头脑，更有阴谋论指干地知道自己就快被炒而斗气。
作客圣占士公园例冇运行
老实讲如果车仔周中赢波嘅话，以其气势今晚再下一城绝无问题，但依家抢四形势极为被动，加上球队嘅胜利气氛已被打破，情况完全唔同晒，因为车仔近年去亲圣占士公园都冇运行，近6次仅赢过1次，何况纽卡素领队宾尼迪斯对车仔相当熟悉，当年又惨食无情鸡，今场绝对想证明自己能力落井下石。
另一边厢利物浦只要1分就任务达成，由于有欧联决赛后顾，今场目标都系尽量唔好增添伤兵，今晚主场对白礼顿让两球真系多左，下盘同细盘都可以支持。
