周一早上美职阿King梗系有心水，重心就系阿特兰大联主场火併纽约红牛！「阿联」今季前场一班进攻组合弗到爆，火力强劲，尤其主场多波入，呢场面对攻击能力有番咁上下嘅红牛，随时上演对攻战，中位数3.5球入球大捧得过。
上季先登陆美职嘅阿特兰大联，踏入联赛征战第2年，今季可以话系愈战愈强，稳佔联赛前列位置，家阵仲系东岸1哥。佢的之所以咁强势，绝对系靠一班南美攻击好手嘅弗爆表现，其中前锋祖斯夫马天尼斯开咧至今入左8球，喺射手榜名列前茅，佢的近6仗联赛主场就有5次开4球或以上，可见入球能力有保证。对手纽约红牛都唔输蚀，近3仗联赛作客攻入8球，可见呢班波客场都唔会留手，呢场随时又大把波入。
火燄「细」守戴拿模
跟住再搭多场芝加哥火燄主场对侯斯顿戴拿模，火燄喺自己地头作风以守为主，近4仗主场全开3球或以下，呢场料会继续靠防守搵食。最后有巴甲帕拉拿主场硬撼甘美奥，甘美奥快翼阿里逊虽然整亲倦勤，不过整体实力远胜帕拉拿，客胜冇走鸡。
