双锋超班「阿伯」唔够玩
世盃A组赛事，今晚乌拉圭会喺罗斯托夫球场出战沙特阿拉伯。取得今届世盃首胜嘅乌拉圭，经过首战之后明显已经入局，反观岩岩畀东道主俄罗斯血洗嘅沙特阿拉伯，实力欠奉，呢场面对有顶级前锋苏亚雷斯同卡云尼坐镇嘅乌拉圭，随时再输多几粒，乌拉圭让2球照捧上盘。
球迷喺今届世盃揭幕战，除左见识到东道主俄罗斯嘅强劲火力之外，都应该目睹沙特阿拉伯令人咋舌嘅曳爆表现，咁嘅演出，真系会令唔少球迷质疑点解佢的可以入到决赛周？睇过沙特阿拉伯首场嘅踢法，都知佢的希望打出具观赏性嘅控球战术，不过呢种踢法对球员个人能力同球队整体意识要求都奇高，沙特阿拉伯球员根本未达到嗰个水平之馀，仲想同实力更强嘅俄罗斯斗搓波，明显高估左自己嘅实力。呢场对住牌面更强嘅乌拉圭，沙特阿拉伯如果唔能够摆正自己嘅心态，真系随时再出现大比数血案都唔出奇。
沙特兵本土搵食多
乌拉圭首战取胜之后士气大振，尤其大赛出名慢热嘅佢的，过去2届世盃第2战都可以赢到波，包括上届击败英格兰。而且乌拉圭阵中有世界级射手「哨牙苏」苏亚雷斯同卡云尼压阵，前场攻击力可以话十分惊人，两把尖刀个人能力更超晒班，往往靠自己搵食都可以杀出条血路。呢场只要一班极具潜质嘅中场小将，放胆表现自己，为两位老大哥提供足够支援，想大胜对手根本冇难度。乌拉圭近6次面对亚洲球队赢5次，睇得出佢的对亚洲波颇有心得，呢场上盘捧得过。
虽然沙特阿拉伯已经唔系第一次踢世盃，不过呢支中东球队对大部分球迷嚟讲依然好陌生，无他，皆因佢的今届世盃阵容当中，绝大部分球员都系嚟自本土联赛，实力同经验明显输几条街，想偷鸡都有心无力啦。
