格仔兵团最怕南美帮
今晚世盃D组次轮压轴好戏，阿根廷火併克罗地亚。「潘帕斯雄鹰」首仗畀冰岛逼和意外失分，球王美斯12码宴客更成众矢之的，不过全队上下对佢力撑到底，团结一致有助反弹争胜；「格仔兵团」克罗地亚老将太多，喺世盃呢啲频密赛程未必回得切气，今仗顶唔住为争出线嘅阿根廷狂轰猛炸，阿根廷小让平半，1.7倍上盘捧得过。
老婆撑场帮美斯走出谷底
阿根廷首仗对住北欧球队冰岛，赛前被一致睇好下，意外畀对手逼和1比1，球王美斯更射失12码，惨成失分罪人，幸好赛后佢讲明会忘记过去，放眼嚟紧嘅赛事，而且一众队友如马斯真兰奴、阿古路等都力撑呢位队长，阿根廷全队上下空前团结，为出线可望打出争气一仗。
除左队友，家人支持同样咁重要，据报美斯太太亦专程飞去俄罗斯为老公打气，希望帮佢走出呢个谷底，另外据报主帅森柏奥利今仗会变阵出击，大胆弃用马高斯卢祖等星级战将，改打343阵式，以美斯、阿古路及迪马利亚组成前线3叉戟加强攻力，力图喺小组旗开得胜。
卡连历离队闹剧影响克军
以3分排喺D组榜首嘅克罗地亚，首仗轻取尼日利亚两粒似乎唔错，但与其话佢的表现好，不如话「超霸鹰」更曳。克军日前仲爆出前锋卡连历不满冇得担正，藉词有伤唔肯后备落场，而畀球队踢出大军嘅闹剧，军心点都有啲影响。「格仔兵」以莫迪历、比列锡及拿杰迪锡为首嘅黄金中场系够劲，但佢的都年过30，而另一老将中锋文迪苏杰表现亦跌Watt，4位「老兵」喺频密赛程下未回得切气。况且克罗地亚近6次对南美球队，法定时间仅得1和5负，明显最怕南美兵，今晚遇上决心反弹的阿根廷凶多吉少，捧番上盘为妙。
