和都首名话明派副选
D组尾轮分组赛，周三凌晨喺罗斯托夫球场上演冰岛对克罗地亚。克罗地亚两战全胜后，已经抢得16强入场券，呢场只要打和都可以保住首名，相反冰岛想晋级唔赢唔得，不过佢的攻力麻麻，就算面对好大机会以副选迎战嘅克罗地亚，都未必入到波，中位数2.5球入球细，系不二之选。
克罗地亚今届分组赛至今表现十分对办，继首战2比0击败尼日利亚之后，上场面对上届亚军阿根廷，仲以3比0大胜对手，气势逼人，更厉害嘅系佢的踢完两场未失过一球，后防够稳阵，现时攞够6分，已经确保出线资格。
冰岛进攻板斧欠奉
赛前克罗地亚领队达历就讲到明，呢场会派副选上阵，畀莫迪历同洛夫云等一班老将可以抖抖。不过佢的后备席都仲有唔少高质球员用得，好似高华锡上仗后备上阵，就助攻畀拿杰迪锡埋斋，实力有保证。由于「格仔军团」呢场只要守和就可以力保首名，加上佢的有中场大将波索域坐波监，相信都唔会踢得太进取，稳打稳扎好过。
反观冰岛虽然首战逼和过阿根廷，不过整体质素欠奉嘅问题，就喺第2场输畀尼日利亚一役表露无遗，尤其球队进攻板斧真系唔算多，前场球员搵食套路单调，只靠基菲尔施古臣孤军作战，好难有前途，尤其呢场要力争3分嘅情况下，冰岛要焗攻，反而会陷入进退失据嘅惨况，特别系面对控球能力不俗嘅克罗地亚，就算畀冰岛球员偷到鸡，都好难有大比数出现，加上佢的近4仗面对克罗地亚，都只系入得1球，兼全开2球或以下，呢场中位数2.5球入球细值博。
