1分搞掂唔同瑞典急
今晚世盃分组赛F组最后一轮，墨西哥会喺叶卡捷琳堡球场迎战瑞典。瑞典出线形势被动，呢场就算赢波都未必能确保晋级，反观墨西哥和波即肯定首名入16强，随时慢慢守住踢，唔同瑞典急，半场和绝对谂得过。
墨西哥世盃首战以1比0爆冷击败卫冕嘅德国，绝对系踢出球队历史最具代表性嘅一场胜仗，上场赢埋南韩，更加为抢得16强资格打好基础，呢场面对瑞典，佢的只要再攞多1分，就可以确保首名出线。有多位主力球员喺欧洲顶尖联赛搵食嘅墨西哥，球员质素绝对毋庸置疑，过去两场除左表现出惊人嘅反击能力之外，不俗的个人能力亦令球队保持控球权，呢场相信可以照办煮碗，宁愿拖慢节奏嚟踢，稳打稳扎，就算和波对墨西哥都不失为一个好结果。
瑞典近10仗9次开半和
首战取得美妙开局击败南韩嘅瑞典，第二战面对强敌德国，未能乘势追击，以1比2不敌对手。归根究底，同佢的攻力欠奉有莫大关系，首战面对南韩，瑞典入波机会其实唔多，最终只能靠12码，1比0仅胜对手。
去到上仗，瑞典虽然靠前锋托禾伦先拔头筹，不过其馀时间都鲜有埋门机会威胁德国后防，皆因呢队波进攻板斧明显不足，几位前锋个人能力有限，未能为进攻核心科斯贝治提供足够支援，加上球队整体控球能力一般，上仗对德国只录得29%控球率，呢场好有可能再次陷入捱打局面。睇埋瑞典近期开局都慢热，近10仗有9次同对手半场打和，呢场半场和值得再追。
