输波随时出局唔敢鬆懈
今晚世盃E组煞科，塞尔维亚硬撼5届盟主巴西。「森巴兵团」王牌尼马表现上晒力，加上好拍档菲腊比古天奴脚风超顺，虽然今仗拎1分够出线，但为免夜长梦多必求擸晒3分唔会Hea踢；塞尔维亚上仗对瑞士反胜为败士气受挫，想出线最稳阵方法系要赢波，但以佢的人脚焗攻盏死快啲，「靓塞」当前巴西点会手软，让球盘让一球冇有怕，照捧1.89倍上盘！
先讲呢组形势，现时巴西同瑞士同为1胜1和得4分，巴西以较佳得失球位居榜首，塞尔维亚少1分排第3，即系话巴西今仗只需1分就可晋级。不过仲有个情况，如果佢的大意输波，而同组另1仗瑞士面对已出局嘅哥斯达黎加有分落袋嘅话，巴西就会跌落第3名被踢出局，唔怕一万只怕万一，「森巴兵团」今仗必定丧攻抢入波，希望抛离到两三粒，以求「扑熄」塞尔维亚嘅战意。
近5次对欧洲兵获4胜
巴西上仗补时入两粒惊险KO哥斯达黎加，王牌尼马开斋后激动爆喊，可见呢个入波令佢压力大减，而菲腊比古天奴更连续两仗有士哥，配合埋快到无伦嘅加比尔捷西斯，趁住塞尔维亚焗攻暴露空位，实行以反击搵食。况且巴西近5次对欧洲球队获4胜1和佳绩，当中3次赢两球或以上，证明佢的「抗欧」宁舍有心得。
塞尔维亚焗攻盏搞
塞尔维亚上仗喺大好形势下反输畀瑞士，搞到依家陷出局边缘，今仗塞军最稳阵嘅出线方法就系赢波，到时6分在手就唔使理另一边「瑞哥战」赛果。不过佢的人脚唔算突出，碍于形势下焗攻随时玩死自己。今仗让球盘巴西让一球，赢波已封蚀本门，上盘值博率高。
