三狮靠晒卡尼好易守
今晚世盃8强上演「全欧对决」，4支欧洲球队云集下线斗法。头场瑞典喺萨马拉球场硬撼「港人宠儿」英格兰。英格兰今届稳打稳扎，但入波过分倚赖头号射手哈利卡尼；瑞典防守硬淨，决赛周踢左4仗有3场冇失波，加上嚟到8强阶段，两军绝对唔想先失波陷困境，1.8倍半场和属信心之选。
星味明显逊于以往嘅英格兰，今次低调出战反而表现务实，尤其球员时代后卫出身嘅修夫基，领军主打稳守突击，前线进攻就靠晒哈利卡尼，呢位「三狮」队长至今轰入6球，好大餐士攞今届金靴奖。但心水清嘅球迷会留意到，英格兰至今入左9粒，即系话卡尼已经包办球队3分2入波之多，而系呢6球当中，又有3球嚟自12码，包括上轮16强对哥伦比亚时为英军先开纪录一球，可见英格兰攻击板斧其实唔算多，若然哈利卡尼被唛死，「三狮兵团」嘅进攻随时有阻滞。
施巴斯坦拿臣复出筑铜牆
北欧「维京海盗」瑞典出名守强攻弱，佢的今届入左6球，当中有两球嚟自12码，1球系对手乌龙波。上仗16强1比0险胜瑞士，都系靠科斯贝治射门省中对方后卫改变方向，绝对系大话夹好彩。个人能力唔算标青嘅瑞典，主要靠纪律性极强嘅防守，今届喺队长兼防线核心格兰基斯带领下，踢左4仗有3场冇失波，今仗更有中场悍将施巴斯坦拿臣刑满复出，有佢喺中场筑起第一道屏障，防线更形坚固。瑞典近9仗有8次半场同对手打和，今场相信会主动放弃控球权守住先，英格兰进攻嫌单调，半场未必咬得入瑞典，半和不容错过。
