唔觉唔觉世盃都完左一周有多，相信球迷已经适应番冇世盃嘅日子，不过二线波仲有得玩，阿King最有心水嗰场，系今晚瑞典超诺高平主场对艾夫斯堡，虽然诺高平排名更高，但艾夫斯堡连续5场联赛未输过弗到震，加上近年交手食住对手，受让必捧让球客胜。
诺高平依家喺联赛位居前3，只系落后榜首AIK苏纳3分但踢少1场，今仗赢波就可平头，不过佢的岩岩将后卫华尔基斯卖去德乙嘅特雷斯登，亦未搵到代替人选，令防线存隐忧，而且长期伤兵安达斯布隆基斯未好番，实力点都差啲。
另一边厢，仅排中下游嘅艾夫斯堡，终于走出季初嘅谷底，连热身赛在内，近7仗取得5胜2和不败佳绩，包括上仗闷和另一支前列分子哈马比，呢场临尾更博到12码，可惜谢巴利操刀宴客，差啲赢埋添，走势唔错，加上两军近6次交手，艾夫斯堡录4胜2和未输过，摆明格食格，仲有得受让咁笋，一于捧让球客胜。
串哈马比大施亚拉下盘
同时间另一场瑞典超，哈马比主场对达尔古特，哈马比虽位居前列，但自世盃休战期结束后，近2仗仅得1和1负，包括领先之下反输畀奥斯达辛斯1比2，明显未操起，达尔古特近2仗录1胜1和，系有啲起色，不过呢班波入得又失得，近5仗联赛失11粒，有4仗开3球或以上，转捧入球大更稳阵。最后系巴甲国际体育会主场对施亚拉，「5哥」国体会有前锋鲁卡波捷斯坐波监，攻力大减，包尾大幡施亚拉作客劲旅一定摆铁桶阵，未必会大败，今仗国体会要让到1.5/2球咁辣，宁捧下盘。
