新帅攞威斗出招
今晚国冠盃重头戏，德甲班霸拜仁慕尼黑喺奥地利中立场，硬撼法甲豪门巴黎圣日耳门（PSG）。虽然两军参与世界盃嘅国脚未归队，但一众二线兵为前途必搏尽求上位，加上两队新帅都希望赢波攞威，预计会合演一场入球骚，捧中位数2.5球嘅入球大最划算。
拜仁有占士洛迪古斯、纽亚、汤马士梅拿、哥伦天杜利素、罗拔利云度夫斯基等多名参与世盃嘅国脚仲放紧假，新帅尼高高华可趁机试用唔同阵式，好彩辛度华拿、维达尔、阿拉巴及「两老」洛宾、列贝利等今次亦有随队，人脚尚算唔错。而且尼高高华点名大讚今季收回嘅借将基拿比，话佢既快速又胜任两翼，呢招反而可激励「两老」更加搏命，火力自然有保证。
PSG国冠盃例抢攻
另一边厢，PSG仲有王牌尼马、卡云尼、基利安麦巴比、迪马利亚、梅尼亚等战将踢完世盃未归队，依家有随队嘅最具星味球员，只得新加盟嘅老门神保方，以及意外落选法国大军嘅中场拉比奥特，阵容极度不整。
不过，巴黎圣日耳门新帅杜曹系前多蒙特教头，熟晒拜仁啲路，而且佢一向崇尚进攻，热身赛场合定必继续抢攻，加上PSG近年出战国冠盃都火力全开，近6次出战国冠盃共轰15球，其中5仗总入球开3球或以上，预计保方今仗会非常忙碌，向入球大埋手最明智。
